"Кога ќе се насочиме кон јаките страни и талентите на човекот, самодовербата расте, а со неа и силата да се надминат сите предизвици."
Слушни ја нашата приказна и почни да ја креираш твојата.
Како се роди идејата за концептот "Незапирливи"?
Овој концепт произлезе од реална ситуација и личен предизвик. Како родител на три деца, внимателно ги следев нивните силни и слаби страни, но особено загрижувачка ми беше состојбата на едното дете кое се соочуваше со потешкотии во училиштето. Стануваше сè потивко, се повлекуваше во себе, а училиштето стануваше извор на фрустрација. Тоа ме натера да започнам сопствена потрага, не по слабостите, туку по јаките страни скриена во него.
Истражувајќи што го интересира, што го радува и во што е навистина добар, полека ја открив неговата силна страна – талентот, што го правеше да блесне. Кога почнавме заедно да работиме врз тој талент, неговата самодоверба почна да расте, а со неа и позитивните резултати во училиштето. Слабостите повеќе не беа центарот на вниманието, тие станаа нешто што со љубопитност и трпение го надминувавме. Овојекспериментален пристап, заснован на блискост и индивидуална насоченост, прерасна во модел што почнав да го применувам и со други деца, пријатели, познаници и повторно, резултатите беа исто така охрабрувачки.
По години истражување, искуство и искрена посветеност, созреа идејата за Незапирливи, не како теорија, туку како жив концепт кој се темели на вистинска приказна и вистинска промена. Она што започна како обид да му помогнам на сопственото дете, прерасна во пристап кој денес го препознавам како вреден и применлив и за многу други.
Сашо Пандилов
Кој стои зад концептот "Незапирливи"?
Сашо Пандилов е македонски претприемач, основач и развивач на неколку успешни бизниси во областа на еколошката технологија, консалтингот и едукацијата. Во моментов ја извршува функцијата Регионален претставник за Балканот во Nijhuis Saur Industries, кој е глобален лидер во одржливи решенија за третман на вода и отпадни води. Со повеќе од 20 години искуство, Сашо има реализирано значајни проекти за прочистување вода низ регионот, особено во индустрии како што се преработка на месо, млеко, текстил и хартија. Тој е и ко-основач на Benten-Pan, компанија специјализирана за филтрациони системи и технички консалтинг.
Покрај инженерството и бизнисот, Сашо е и основач на Незапирливи, која претставува трансформативна платформа создадена со цел да го отклучи човечкиот потенцијал преку јасна, структурирана методологија за личен и кариерен развој во 8 нивоа. Концептот на Незапирливи произлегува од лично родителско искуство и е заснован на вистинска животна приказна, со визија да се понуди поддршка и насока за секој што сака да расте одвнатре, стабилно, свесно и со самодоверба.
Запознајте го нашиот тим
Сашо Пандилов
Основач и визионер
Сашо Илиев
Претседател
Дона Станчева
Соработник
Симона Станчева
Соработник
Гордиј Божиновски
Соработник